Ռուսաստանի նախագահ Վլադիմիր Պուտինը հույս ունի, որ ԱՄՆ առաջնորդ Դոնալդ Թրամփի հետ Ալյասկայում կայացած բանակցությունների ընթացքում ձեռք բերված «ըմբռնումները» կնպաստեն ուկրաինական հակամարտության կարգավորմանը։
«Մենք բարձր ենք գնահատում Չինաստանի, Հնդկաստանի և մեր մյուս ռազմավարական գործընկերների ջանքերն ու առաջարկները, որոնք ուղղված են ուկրաինական ճգնաժամի կարգավորմանը։
Հուսով եմ, որ վերջերս Ալյասկայում կայացած ռուս-ամերիկյան գագաթնաժողովում ձեռք բերված փոխըմբռնումները նույնպես այս ուղղությամբ են շարժվում՝ բացելով Ուկրաինայում խաղաղության ճանապարհը»,-ասել է Պուտինը՝ ելույթ ունենալով Շանհայի կազմակերպության գագաթնաժողովում։
