2026 թվականի բյուջեի նախագծում Ադրբեջանի կառավարությունը պաշտպանության և ազգային անվտանգության ծախսերի համար նախատեսել է 8,815 միլիարդ մանաթ (գործող փոխարժեքով 5,12 միլիարդ դոլար)։
Ֆինանսների նախարարության կայքում հրապարակված նյութերի համաձայն՝ պաշտպանության և ազգային անվտանգության ծախսերը կկազմեն 2026 թվականի պետական բյուջեի բոլոր ծախսերի 21%-ը։
Ադրբեջանի 2025 թվականի պետական բյուջեում պաշտպանության և ազգային անվտանգության ծախսերը նախատեսված են 8,555 մլրդ մանաթի չափով (ընթացիկ փոխարժեքով՝ 5,032 մլրդ դոլար), կամ բոլոր ծախսերի 20,7%-ը։
Այսպիսով, 2026 թվականին պաշտպանության և ազգային անվտանգության վրա ծախսերը 2025 թվականի համեմատ կավելանան 3%-ով։
