Ադրբեջանը հաստատել է հանրությանը «միջուկային եւ զանգվածային ոչնչացման այլ զենքերի կիրառման հնարավոր սպառնալիքի հետ կապված անվտանգության միջոցառումների մասին» իրազեկելու կարգը։
Համապատասխան որոշումը կայացրել է կառավարությունը, տեղեկացրել են տեղի լրատվամիջոցներիը։
Այդ միջոցառումները, ի թիվս այլոց, ներառում են հանրությանը անձնական պաշտպանական միջոցների եւ անձնական բժշկական պաշտպանական միջոցների օգտագործման վերաբերյալ ուսուցում, ինչպես նաեւ ուսուցում միջուկային եւ զանգվածային ոչնչացման այլ զենքերի կիրառման սպառնալիքի ժամանակ վարքագծի կանոնների վերաբերյալ։
