Աբու Դաբիի Առևտրաարդյունաբերական պալատի կենտրոնակայանում տեղի է ունեցել ԱՄԷ-Հայաստան երկրորդ գործարար համաժողովը, որը համախմբել է երկու երկրների բիզնեսի ականավոր ներկայացուցիչներ, փորձագետներ և պաշտոնյաներ: Այս մասին հայտնում է Հայաստանում ԱՄԷ դեսպանատան մամուլի ծառայությունից։
Ֆորումը նվիրված էր երկկողմ առևտրի և ներդրումային հնարավորությունների խթանմանը։
Մասնակցում էին ընկերություններ տարբեր ոլորտներից, այդ թվում՝ ֆինանսներ, գյուղատնտեսություն, վերականգնվող էներգիա, շինարարություն, թանկարժեք մետաղներ և քարեր, տեխնոլոգիաներ և զբոսաշրջություն:
Առանձնահատուկ ուշադրություն է դարձվել ԱՄԷ-ի և Հայաստանի միջև գործարար հարաբերություններին՝ բացահայտելու փոխշահավետ ներդրումային հեռանկարներ, որոնք կնպաստեն երկու երկրների տնտեսական աճին և զարգացմանը։
Նշվում է, որ որպես Մերձավոր Արևելքի կարևոր առևտրային հանգույց՝ ԱՄԷ-ն հավատարիմ է համաշխարհային մակարդակով առևտրային գործընկերության խթանմանը, հաջող փորձի փոխանակմանը և տարբեր ոլորտներում համագործակցության և դիվանագիտական հարաբերությունների ամրապնդմանը:
