ԶՈՒ Գլխավոր շտաբի պետի տեղակալի գործով դատակա...

Զինված ուժերի Գլխավոր շտաբի պետի տեղակալ Անդրանիկ Մակարյանի եւ մյուսների գործն արդեն դատարանում է։ Գործը կքննվի Սյունիքի մարզի ընդհանուր իրավասության դատարանում։  Դատավոր Մուշեղ Արամյանը առաջին դատական նիստը նշանակել է հունիսի 9-ին։

 Ըստ մեղադրանքի՝ Անդրանիկ Մակարյանը Ադրբեջանի Հանրապետության կողմից Արցախի Հանրապետության դեմ սանձազերծած ագրեսիվ պատերազմի ընթացքում հայտարարված ռազմական դրության պայմաններում հանդիսանալով պաշտոնատար անձ, պետ՝ ենթակա անձակազմի նկատմամբ, անձնական շահագրգռվածությունից ելնելով ցուցաբերել է ի անգործություն, եւ գործողություններն անզգուշությամբ առաջացրել են նյութական ծանր հետևանքներ: Անդրանիկ Մակարյանին առնչվող քրեական գործը կապ ունի 60 զինծառայողների անհետ կորելու հետ։

  Բացի Անդրանիկ Մակարյանից, այս գործով անցնում են նաեւ Արսեն Աբգարյանը, Սարգիս Կուլակչյանը եւ Էլլադա Հարությունյանը։

 Գործում ներգրավված է 7 տուժող եւ 12 տուժողի իրավահաջորդ։