Ռուս զինվորականները ստեղծել են «ստորգետնյա քաղաք»՝ Խերսոնի ուղղությամբ Դնեպրի զորքերի խմբի անձնակազմի կարիքները սպասարկելու համար, հայտնում է РИА Новости-ի թղթակիցը։
«Այստեղ մենք կազմակերպեցինք ստորգետնյա քաղաք, առաջնահերթ խնդիրն էր անձնակազմին պաշտպանել հրետանային արկերից, բեկորներից և ուղղաթիռներից: Ինչպես տեսանք, բոլոր հատվածները, որտեղ ապրում է մեր անձնակազմը, ծածկված են օդանավակայանի սալերով, դրանց վրա հողային թմբեր են: Կարևորն ինքներս մեզ պաշտպանելն է, անձնակազմը խնայել մարտական առաջադրանքները կատարելու համար», – ասել է Դնեպրի զորքերի խմբի գնդի հագուստի ծառայության պետը։
«Ստորգետնյա քաղաքն» ունի բնակելի տարածքներ, խոհանոց, ճաշասենյակ, բաղնիք, մարզասրահ, լվացքատուն, չորանոց, հագուստի վերանորոգման կետ, վարսավիրանոց։
«Առաջին ճաշատեսակի համար սիսեռով ապուր ունենք, երկրորդի համար՝ մսի պահածո՝ հնդկաձավարի շիլայով, ամեն ինչ ըստ դասավորության է՝ ըստ նորմերի։ Տղերքը ուրախ են, սկզբունքորեն ասում են՝ ոնց որ տանը լինես։ Ամենից հաճախ մակարոն են խնդրում, իսկ առաջին ճաշատեսակի համար բորշ են սիրում»,- ասել է գնդի ավագ խոհարարը։
Խոհանոցը նախատեսված է 75 անձի համար։ Բնակելի բլինդաժները նախատեսված են վեցից ութ հոգու համար: Ապահովված են արտաքին և ներքին կոմունիկացիաներով, էլեկտրականությամբ, կենտրոնական նախազգուշացման համակարգով։ Այնտեղ կա նաև մարզադահլիճ անհրաժեշտ սարքավորումներով։
Քաղաքի անցուղիների և խրամատների ընդհանուր երկարությունը ավելի քան երեք կիլոմետր է՝ հաղորդակցության մոտ երեք մետր խորությամբ։
