Ուկրաինայի նախագահ Վլադիմիր Զելենսկին Կիևում ընդունել է Թուրքիայի արտաքին գործերի նախարար Հաքան Ֆիդանին։ Այդ մասին տեղեկանում ենք ТАСС գործակալությունից:
«Մեր նախարար Հաքան Ֆիդանին Կիևում ընդունել է Ուկրաինայի նախագահ Վլադիմիր Զելենսկին», - ասվում է Թուրքիայի ԱԳՆ հայտարարության մեջ։
Սա Թուրքիայի արտգործնախարարի պաշտոնում Ֆիդանի առաջին այցն է Ուկրաինա։
Ավելի վաղ թուրքական լրատվամիջոցները հաղորդել էին, որ Ուկրաինայի իշխանությունների հետ Ֆիդանի բանակցությունների գլխավոր թեման լինելու է հացահատիկի գործարքի վերսկսումը։ Այդ նույն թեման նա պլանավորում է քննարկել Ռուսաստան առաջիկա այցի ընթացքում։ Ավելի վաղ ՌԴ փոխարտգործնախարար Սերգեյ Ռյաբկովը նշել էր, որ Թուրքիայի արտաքին գործերի նախարարի այցը Ռուսաստան ներկայում քննարկվում է, սակայն հացահատիկի գործարքի վերաբերյալ Մոսկվայի դիրքորոշումները դրանից չեն փոխվում։
