Հունիսի 7–ին Հայաստանում տեղի ունեցած խորհրդարանական ընտրություններում ավելի քիչ ձայն է փոշիացել, քան 2021–ի ընտրություններում։
2021–ին փոշիացել է մոտ 260 հազար ձայն։ Իսկ այս տարի փոշիացող ձայների քանակը կազմել է 185 347, որը մոտ 12 տոկոս է կազմում։ Սա այն դեպքում, եթե ԲՀԿ–ն հաղթահարի նվազագույն շեմը և հայտնվի խորհրդարանում։
Իսկ եթե ԲՀԿ–ն, այդուհանդերձ, չհայտնվի խորհրդարանում, ապա 185 347 փոշիացող ձայներին կգումարվեն նաև ԲՀԿ–ի ստացած 58 368 ձայները և կկազմի 243 715։
Նշենք, որ 2026–ի ընտրություններում մասնակցությունը ևս շատ ավելի բարձր է եղել, քան 2021–ին։ Եթե 2021–ին ընտրություններին մասնակցել է ընտրողների 49.4 տոկոսը, ապա այս տարի այդ ցուցանիշը կազմել է 58.97 տոկոս։
Նշենք, որ ըստ ընտրությունների վերաբերյալ ԿԸՀ–ի նախնական տվյալների ձայները բաշխվել են հետևյալ կերպ.
· «Քաղաքացիական պայմանագիր»՝ 49, 825 տոկոս
· «Ուժեղ Հայաստան»՝ 23,281 տոկոս
· «Հայաստան» դաշինք՝ 9, 934 տոկոս
· «Բարգավաճ Հայաստան»՝ 3,996 տոկոս:
ԱԺ անցնելու համար անցողիկ շեմը 4 տոկոսն է և եթե վերահաշվարկի արդյունքում ԲՀԿ ձայները չավելանան, ապա ԲՀԿ–ն չի անցնի խորհրդարան։ Մյուս երեք ուժերը հաստատ կլինեն նոր խորհրդարանում։
