Ինչպես հայտնի է, նոյեմբերի 1-ից հասարակական տրանսպորտից օգտվելիս պարտադիր պայման է 100 դրամանոց մետաղադրամի առկայությունը կամ ավտոբուսներում և մայրաքաղաքի տարբեր վայրերում տեղադրված վճարային համակարգով QR կոդի միջոցով վճարում իրականացնելը։
Իսկ մետրոյում այսօրվանից այլևս ժետոն չկա․ բոլոր կայարանների ժետոնով անցակետերը փոխարինվել են միասնական վճարման համակարգով:
«Մայր Հայաստան» դաշինքի անդամ Սոնա Աղեկյանը տեսանյութեր է հրապարակել իր ֆեյսբուքյան էջում և տեղեկացրել, որ մետրոյում վաղ առավոտից հերթեր են։
