ԱՄՆ պաշտպանության փոխնախարարի քաղաքական հարցերով տեղակալ Քոլին Քալը հայտարարել է, որ Վաշինգտոնը շահագրգռված չէ Պեկինի հետ հակամարտությամբ, սակայն մտադիր չէ անգործություն ցուցաբերել։ Այս մասին նա ասել է Foreign Policy ամսագրին տված հարցազրույցում։
Ըստ Քալի՝ Չինաստանի հետ ԱՄՆ-ի հակամարտությունը կանխորոշված կամ անխուսափելի չէ:
«Այն փաստը, որ Պեկինը մարտահրավեր է, չի նշանակում, որ մենք պետք է սկսենք հակամարտություն, որը կործանարար կլինի բոլոր ներգրավվածների համար և աներևակայելի վնաս կհասցնի համաշխարհային տնտեսությանը: Բացի այդ, դա կլինի երկու միջուկային տերությունների հակամարտություն, ոչ ոք չի ցանկանում նման արդյունք։ Այդ դեպքում ոչ ոք չպետք է նպաստի նման արդյունքի»,- ասել է ԱՄՆ պաշտպանության փոխնախարարը:
Քալը նաև նշել է, որ Ասիա-խաղաղօվկիանոսյան տարածաշրջանում և դրանից դուրս իր ռազմական և քաղաքական ազդեցությունն ընդլայնելու Չինաստանի մտադրությունը «վտանգում է ԱՄՆ-ի, նրա դաշնակիցների և գործընկերների շահերը»: Նրա կարծիքով, եթե Վաշինգտոնը ոչինչ չանի, «Չինաստանը կտարածի իր ազդեցությունն ու իշխանությունը»։ Քալն ընդգծել է, որ Պենտագոնը կգործի «պատասխանատու կերպով»։
