Հատուկ քննչական ծառայությունը ՊԵԿ նախկին նախագահ Վարդան Հարությունյանի մասով նոր ասելիք չունի։
«Դեռ նոր բան չունենք տեղեկացնելու։ Այն, ինչ ասվել է, դա է՝ նրան առնչվող քրգործ կա վարույթում, նախաքննություն է կատարվում: Այս պահին այլ տեղեկություն չեմ կարող տրամադրել», - Aysor.am-ի հետ զրույցում ասաց ՀՔԾ մամուլի խոսնակ Մարինա Օհանջանյանը։
Նա նշեց՝ եթե հրապարակման ենթակա որևէ նորություն լինի, իրենք կտեղեկացնեն։
Հիշեցնենք՝ օրեր առաջ ԱԺ «Իմ քայլը» խմբակցության պատգամավոր Արուսյակ Ջուլհակյանը Facebook-ի իր էջում տեղեկացրել էր, որ «քրեական գործ է հարուցվել ՊԵԿ նախկին նախագահ Վարդան Հարությունյանի վերաբերյալ»:
«Հայտնի իրադարձություններից հետո, կարծես, կոռուպցիայի դեմ կիսապայքարը վերջապես վերածվում է լիարժեք պայքարի», - նշել էր պատգամավորը։
Իրավապահ մարմինները, սակայն, այդ առնչությամբ դեռևս որևէ տեղեկություն չեն հայտնել։
