Ուկրաինացի պաշտպանները շարունակում են առաջխաղացումը Ռուսաստանի Դաշնության Կուրսկի շրջանում, ինչպես նաև տարածքներ են գրավել Ուկրաինայի Պոկրովսկու ուղղությամբ։ Ռուսական ուժերն առաջ են շարժվել Խարկովի մարզում՝ Սվատովոյ, Սեվերսկի և Չասով Յարի մոտ։ Այս մասին հայտնում է Պատերազմի ուսումնասիրման ինստիտուտը (ISW):
Ուկրաինական ուժերը քիչ առաջընթաց են գրանցել Կուրսկի շրջանում, մասնավորապես՝ Վեսելիից արևելք:
Ուկրաինայի Զինված ուժերը նաև առաջ են շարժվել դեպի հյուսիսային կողմ և սեպտեմբերի 19-ին շարունակել հարձակումն այս հատվածում: Մասնավորապես, ուկրաինական ուժերը վերջերս առաջ են շարժվել Շեպտուխովկայից հարավ-արևելք և Նայդենովից հարավ-արևելք:
Ուկրաինական ուժերը հարձակվել են Լյուբիմովկայի, Օբուխովկայի (Կորենևոյից հարավ-արևելք և Սնագոստից արևելք), Կրեմեննոյեի (Կորենևոյից արևելք) և Բորկիի (Սուձայից հարավ-արևելք) մոտակայքում:
Սեպտեմբերի 19-ին արված լրացուցիչ արբանյակային լուսանկարները ցույց են տալիս, որ շարունակվում են կրակները Ռուսաստանի պաշտպանության նախարարության հրթիռային և հրետանու գլխավոր տնօրինության Արսենալ 107-ում Տվերի մարզի Տորոպկայում սեպտեմբերի 18-ին ուկրաինական անօդաչու թռչող սարքի հարվածից հետո:
