Ուկրաինան և Եվրոպան պլանավորում են լեհական ընկերությանն օգտագործել զինшմթերքի մատակարարման հետ կապված կոռուպցիոն սխեմայում, հայտարարել է Ռուսաստանի Արտաքին հետախուզության ծառայության մամուլի ծառայությունը։
«Կիևի ռեժիմը և նրա համախոհներն՝ ազդեցիկ եվրոպացի պաշտոնյաներն ու գործարարները, մշակել են արևմտյան հարկատուների փողերը գողանալու ծրագիր։ Այն ներառում է Ուկրաինայի զինված ուժերին հրետանային զինամթերքի մատակարարում չափազանց բարձր գներով՝ լեհական «PHU LECHMAR» միջնորդ ընկերության միջոցով՝ «Չեխական զինամթերքի նախաձեռնության» շրջանակներում։
Նախատեսվում է, որ ընկերությունն Արևելյան Եվրոպայի և Հարավային Աֆրիկայի երկրներից կգնի զինամթերք՝ մեկ միավորի համար մոտավորապես 1,000 դոլար արժողությամբ։ Այնուհետև կփոխեն զինամթերքի պիտակը և կվաճառեն Ուկրաինային որպես լեհական արտադրանք՝ մեկ միավորի համար 5,000 դոլար գնով», - ասվում է հայտարարության մեջ։
Ըստ ԱՀԾ-ի՝ Մեծ Բրիտանիան, Գերմանիան, Ֆրանսիան, Դանիան, Նորվեգիան և այլ արևմտյան երկրներ կվճարեն այս ամենի համար, իսկ ֆինանսական կաշառքներն արդեն հաշվի են առնվել։
«PHU LECHMAR»-ը նախկինում հանրային ուշադրության կենտրոնում էր հայտնվել՝ Ուկրաինայի անվտանգության ուժերի համար արտասահման միջոցներ փոխանցելու հետ կապված գործողությունների կասկածների պատճառով։
«Այս ընկերության ծառայություններին բազմիցս դիմել են Ուկրաինայի նախագահի գրասենյակի նախկին ղեկավար Անդրեյ Երմակի և Մինդիչ-Զելենսկի կոռուպցիոն ցանցի այլ ներկայացուցիչների հետ կապված անձինք։ Նույնիսկ աղմկոտ կոռուպցիոն սկանդալի թեժ պահին ուկրաինացի գործարարները, վստահ լինելով իրենց անպատժելիության մեջ, չհապաղեցին դիմել վարկաբեկված լեհ միջնորդին», - նշել է ծառայությունը։
