Ուկրաինայի նախագահ Վլադիմիր Զելենսկին ամերիկյան New York Post թերթին ասել է, որ ԱՄՆ նախագահ Դոնալդ Թրամփի հետ քննարկում է այն, ինչն ինքը անվանել է հնարավոր «մեգա-գործարք», որի համաձայն Ուկրաինան կվաճառի ԱՄՆ-ի մարտական փորձարկումներով փորձարկված ուկրաինական անօդաչու թռչող սարքերը՝ ԱՄՆ-ից զենք գնելու դիմաց։
Զելենսկին ամերիկյան ՀՕՊ համակարգերն անվանել է աշխարհի լավագույնը։ Զելենսկին գործարքի այլ մանրամասներ չի ներկայացրել։
Նյու Յորք Փոստը գրում է, որ ուկրաինական անօդաչու թռչող սարքերը կարող են հարվածել Ռուսաստանի տարածքի խորքում գտնվող թիրախներին։ «Ամերիկացի ժողովրդին անհրաժեշտ է այս տեխնոլոգիան, և դուք պետք է այն ունենաք ձեր զինանոցում», - ասել է Զելենսկին հարցազրույցում։
Հուլիսի 14-ին Թրամփը հայտարարեց ՆԱՏՕ-ի շրջանակներում կնքված համաձայնագրերի մասին, որոնց համաձայն եվրոպական երկրները կգնեն ամերիկյան զենք, հիմնականում Patriot զենիթահրթիռային համակարգեր, և կփոխանցեն դրանք Ուկրաինային։ Միևնույն ժամանակ, Թրամփը խոստացել է «շատ խիստ մաքսատուրքեր» սահմանել Ռուսաստանի և նրա առևտրային գործընկերների վրա, եթե Ռուսաստանը 50 օրվա ընթացքում չհամաձայնվի Ուկրաինայի հետ հրադադարի։
