Ուկրաինան 150 միլիոն եվրո դրամաշնորհ է ստացել Եվրամիությունից՝ երկրի վերականգնման ծրագրի շրջանակներում։ Միջոցների մի մասը, մասնավորապես, ուղղվելու է կարևոր ենթակառուցվածքային օբյեկտներին աջակցելուն։ Այս մասին հայտնում է Ուկրաինայի ֆինանսների նախարարությունը։
«Եվրամիությունը դրամաշնորհի տեսքով 150 միլիոն եվրո է ուղարկել Ուկրաինայի պետական բյուջեի հատուկ հիմնադրամին։ Հավաքագրված միջոցները երկրորդ մասնաբաժինն են Ուկրաինայի և ԵՄ-ի միջև «Աջակցություն Ուկրաինայի արագ վերականգնմանը» ծրագրի ֆինանսավորման համաձայնագրի շրջանակներում»,- ասվում է Ֆինանսների նախարարության կայքում։
Մասնավորապես, 65 մլն եվրո կհատկացվի ցածր դասարանների դպրոցական սնունդ ապահովելու համար, 50 մլն եվրո՝ նավահանգստային ենթակառուցվածքների վերականգնման համար, 20 մլն եվրո՝ գյուղատնտեսությանն աջակցելու և 15 մլն եվրո՝ կարևոր ենթակառուցվածքների վերականգնման համար:
Նշվում է, որ սա այս ծրագրի շրջանակներում երկրորդ և վերջին տրանշն է, որի ընդհանուր ծավալը կազմում է 300 մլն եվրո։ Առաջին տրանշը Ուկրաինան ստացել է 2023 թվականի դեկտեմբերի 20-ին։
