Հուլիսի 4-ին ԱՄՆ նախագահ Դոնալդ Թրամփը հեռախոսազրույցի ժամանակ Վլադիմիր Զելենսկուն ասել է, որ Ուկրաինան չի կարող փոխել պատերազմի ընթացքը՝ մնալով պաշտպանողական դիրքում, և որ անհրաժեշտ է անցնել հարձակման, հաղորդում է Washington Post-ը՝ հղում անելով ուկրաինացի պաշտոնյայի: Երբ Թրամփը հարցրել է, թե արդյոք Ուկրաինան կարող է ռմբակոծել Մոսկվան կամ Սանկտ Պետերբուրգը, Զելենսկին պատասխանել է. «Եթե մենք ունենանք անհրաժեշտ զենքը, կարող ենք», - պարզաբանում է թերթը:
Այս շաբաթվա սկզբին արևմտյան լրատվամիջոցներն արդեն գրել էին այս զրույցի մասին, թեև մի փոքր այլ տեսանկյունից:
Երբ Թրամփին հարցրել են այդ զանգի մասին, նա ավելի ուշ պատասխանել է. «Ոչ, նա [Զելենսկին] չպետք է ռմբակոծի Մոսկվան»: ԱՄՆ նախագահը հավելել է, որ մտադիր չէ Ուկրաինային մատակարարել Ռուսաստանի մայրաքաղաք հասնելու ունակ հեռահար զենքեր:
Սպիտակ տան մամուլի քարտուղար Քերոլին Լևիթը նույնպես ասել է, որ Թրամփը հարցրել է Ուկրաինայի՝ Ռուսաստանին հարվածելու կարողության մասին, բայց նրա խոսքերը հանվել են համատեքստից: Նա ասել է, որ Թրամփը պարզապես տեղեկատվություն էր ուզում ստանալ, այլ ոչ թե խրախուսում էր։
