Համայնքային ոստիկանության Թումանյանի բաժնի ծառայողները ձեռնարկած օպերատիվ-հետախուզական միջոցառումների արդյունքում Դսեղ գյուղի հարակից անտառում հայտնաբերել են փայտանյութով բեռնված «ՈւԱԶ» մակնիշի մեքենա: Դսեղ գյուղի բնակիչ 41-ամյա վարորդը հայտնել է, որ բենզասղոցով ապօրինի հատել է հաճարենի տեսակի ծառեր և պատրաստել փայտանյութ:
Փայտանյութով բեռնված «ՈՒԱԶ»-ը տեղափոխվել է բաժնի պահպանվող հատուկ տարածք։
Ստուգումների արդյունքում պարզվել է, որ ապօրինի ծառահատման հետևանքով բուսական աշխարհին պատճառվել է 351 000 դրամի վնաս: Կազմված փաստաթղթերը ներկայացվել են նախաքննական մարմին։ Դսեղ գյուղի բնակիչ 41-ամյա տղամարդը ձերբակալվել է։ Նա ներկայացրել է բենզասղոցը։ Հանգամանքները պարզվում են։
