ԱՄՆ կառավարությունը միջոցներ կձեռնարկի, որպեսզի Չինաստանը որեւէ առնչություն չունենա կարճ տեսանյութերի ստեղծման եւ դիտման TikTok ծառայության հետ։ Այս մասին երկուշաբթի հայտարարել է ԱՄՆ նախագահ Դոնալդ Թրամփը։
Նա ընդգծել է, որ ԱՄՆ-ում չինական հավելվածը չարգելելու իր առաջարկը կուսակցությանը թույլ է տվել ամրապնդել դիրքերը երիտասարդ սերնդի ընտրողների շրջանում։ «Եվ ես կարծում եմ, որ TikTok-ը կապ ունի դրա հետ: Այնպես որ, ներիր ինձ, եթե ես մի փոքր հոգնել եմ TikTok-ից: Բայց տեսնենք, թե ինչ կլինի հետո: Մենք կունենանք շատ մարդիկ, որոնք ցանկանում են հայտ ներկայացնել [TikTok]-ի համար, եւ Չինաստանը դրա մի մասը չի լինի: Դուք չեք ցանկանում, որ Չինաստանը ներգրավվի, բայց մենք կտեսնենք, թե ինչ կլինի»,- ասել է նա:
Այս մասին նա հայտարարել է ԱՄՆ Կոնգրեսի Ներկայացուցիչների պալատի կառավարող Հանրապետական կուսակցության խմբակցության առջեւ։ Օրենսդիրների ամենամյա հանդիպումն այս անգամ տեղի է ունեցել Մայամիի մերձակայքում (Ֆլորիդայի նահանգ), Թրամփի գոլֆ-ակումբում։
