ԱՄՆ նախագահ Դոնալդ Թրամփը հայտարարել է, որ «ինչ-որ պահի» Կառավարության արդյունավետության դեպարտամենտը (DOGE)՝ ձեռնարկատեր Իլոն Մասկի գլխավորությամբ, ստիպված կլինի դադարեցնել իր աշխատանքը։ Այսպիսով, Սպիտակ տան ղեկավարը հայտարարել է պետական ծառայությունից միլիարդատիրոջ հեռանալու մասին։
Միաժամանակ Թրամփը նշել է, որ Մասկը պաշտոնավարելու է ևս 130 օր։ Նա հավելել է, որ այս ամբողջ ընթացքում Մասկը «գերազանց է կատարել իր աշխատանքը», սակայն եկել է ժամանակը, որ նա վերադառնա բիզնեսի կառավարմանը «մեծ ընկերությունում»:
Երբ Իլոն Մասկը ստանձնեց DOGE-ի ղեկավարությունը, նրա Tesla ընկերության վաճառքները Եվրոպայում նվազել են 40 տոկոսով: 2025 թվականի սկզբից ընկերության վաճառքի ծավալները նվազել են 43 տոկոսով։ Վերլուծաբանները նման արդյունքները կապում են ձեռնարկատիրոջ վիճահարույց գործողությունների և հայտարարությունների հետ, որն, իրենց կարծիքով, չափազանց տարված է քաղաքական կարիերայով։
