ԱՄՆ նախագահ Դոնալդ Թրամփը հայտնել է, որ «շատ ուրախ» կլինի, եթե Դաշնային պահուստային համակարգի նախագահ Ջերոմ Փաուելը հրաժարական տա, հաղորդել է Reuters-ը։
ԱՄՆ նախագահը նաեւ ասել է, որ կցանկանար տոկոսադրույքները իջեցնել մինչեւ 1 տոկոս։
«Ես կցանկանայի տեսնել նրա հրաժարականը, եթե ինքը ցանկանար։ Նա զզվելի աշխատանք է կատարել»,- ասել է Թրամփը՝ Դաշնային պահուստային համակարգի ղեկավարին անվանելով նաեւ «հիմար»։
Փաուելի պաշտոնավարման ժամկետը լրանում է 2026թ. մայիսին, եւ սպասվում է, որ Թրամփը հաջորդ ամիսներին կնշանակի նրա հաջորդին։
ԱՄՆ նախագահը հայտնել է, որ Փաուելի հաջորդը, որին կնշանակի, կլինի մարդ, որը կիջեցնի տոկոսադրույքները։
Անցած շաբաթ ԴՊՀ-ն որոշել էր փոխառությունների կարճաժամկետ ծախսերը թողնել 4,25-4,50 տոկոսի սահմաններում։
