Բելառուսի նախագահ Ալեքսանդր Լուկաշենկոն հայտարարել է, որ Ամերիկայի առաջնորդ Դոնալդ Թրամփը չի թաքցնում իր մտադրությունները և բացահայտ խոսում է Միացյալ Նահանգների արտաքին քաղաքականության առաջնահերթությունների մասին:
«Նայե՛ք, նա բացահայտ ասում է. «Մեզ պետք է Վենեսուելան, որովհետև այնտեղ նավթ կա: Մեզ պետք է Գրենլանդիան, որովհետև այն կարևոր է պաշտպանության, հազվագյուտ հողային մետաղների, նավթի, գազի համար՝ այնտեղ կա ամեն ինչ»: Նա բացահայտ խոսում է այդ մասին», — հայտարարել է Լուկաշենկոն երկուշաբթի օրը Մինսկում՝ Կիրովի մարզի նահանգապետ Ալեքսանդր Սոկոլովի հետ հանդիպման ժամանակ, հայտնում է «ՌԻԱ Նովոստի»-ն:
Բելառուսի նախագահի խոսքով՝ նման ուղղախոսությունը բնորոշ չէ դասական դիվանագիտությանը։ «Դե լռի՛ր արդեն, որ այնտեղ նավթ կա, ասա՛, թե այնտեղ ինչ-որ նարկոբարոններ կան, պայքարի՛ր նրանց դեմ։ Իսկ նա բացահայտ ասում է՝ իրեն նավթ է պետք։ «Եվ եթե դուք՝ եվրոպացիներդ, մերը չգնեք, ապա ձեր վերջը կգա, մենք ձեզ բոլորիդ կջախջախենք» և այլն, և նման բաներ»,- բացահայտորեն ընդգծել է Լուկաշենկոն։
«Իսկ մենք ինչ-որ բանից վախենում ենք։ Ինչի՞ց պետք է վախենանք»,- հավելել է նա։
