ԱՄՆ նախագահ Դոնալդ Թրամփը հայտարարել է, որ ժամանակավորապես առկախել է Մեքսիկայի և Կանադայի նկատմամբ նախատեսված բարձր մաքսատուրքերը՝ համաձայնվելով 30-օրյա դադարի՝ սահմանային անվտանգության և հանցավորության դեմ պայքարի ուղղությամբ նրանց զիջումների դիմաց․ գրում է Reuters-ը։
Միևնույն ժամանակ, Չինաստանի նկատմամբ նախատեսված մաքսատուրքերը ուժի մեջ կմտնեն ժամերի ընթացքում։
Ի պատասխան անօրինական ներգաղթի և թմրամիջոցների մաքսանենգության դեմ պայքարելու՝ Թրամփի պահանջի, Կանադայի վարչապետ Ջասթին Թրյուդոն և Մեքսիկայի նախագահ Կլաուդիա Շեյնբաումը հայտարարել են, որ համաձայնել են ուժեղացնել սահմանային վերահսկողությունը։ Այս պայմանավորվածությունը թույլ կտա 30 օրով հետաձգել երեքշաբթի ուժի մեջ մտնող 25% մաքսատուրքերը։
Կանադան համաձայնել է նոր տեխնոլոգիաներ ներդնել և լրացուցիչ անձնակազմ տեղակայել ԱՄՆ-ի հետ սահմանին, ինչպես նաև ընդլայնել համագործակցությունը կազմակերպված հանցավորության, ֆենտանիլի մաքսանենգության և փողերի լվացման դեմ պայքարում։
Մեքսիկան պարտավորվել է իր հյուսիսային սահմանին տեղակայել 10,000 Ազգային գվարդիական՝ անօրինական ներգաղթի և թմրամիջոցների հոսքը սահմանափակելու նպատակով։
