Ճապոնական հիմնական բրնձի գները հոկտեմբերին Տոկիոյում տարեկան կտրվածքով աճել են 62,3%-ով, ասվում է ազգային գործերի նախարարության նախնական վիճակագրական հաշվետվության մեջ։
Սա ամենաբարձր ցուցանիշն է 1971 թվականից ի վեր, երբ վիճակագրությունը սկսեց պահպանվել ներկայիս տեսքով։ Դա պայմանավորված է պարարտանյութերի գների և աշխատուժի թանկացմամբ:
Օգոստոս-սեպտեմբերին Տոկիոյի խանութներում բրնձի դեֆիցիտ էր նկատվում, որն ուղղակի անհետացել էր խանութների դարակներից։ Սկզբում դա բացատրվում էր բրնձի և այլ ապրանքների հապճեպ պահանջարկով Նանկայի խզվածքի տարածքում հնարավոր երկրաշարժի մասին նախազգուշացումների ֆոնին, այնուհետև՝ վատ բերքով: Սեպտեմբերին բրնձի պարկերի հայտնվելն ուղեկցվել է «Մեկ հատը մեկ ձեռքին» գովազդով։
Հոկտեմբերին, երբ բրինձը կրկին հայտնվեց բավարար քանակությամբ, գնորդներին տհաճ անակնկալ էր սպասվում՝ նախորդ տարվա գների համեմատ դրա գինը միջինը թանկացել էր մոտ մեկուկես անգամ։
Միաժամանակ, հոկտեմբերին Տոկիոյում սպառողական գների տարեկան աճը կազմել է 1,8%։
