«Առանց որոգայթների և երկիմաստության պատասխանեք՝ ո՞րն է Ձեր պատկերացմամբ Ղարաբաղի ապագա կարգավիճակը»,- նման հարցադրմամբ ԱԺ-ում Նիկոլ Փաշինյանին դիմեց «Հայաստան» խմբակցության պատգամավոր Արթուր Խաչատրյանը՝ մանրամասնելով․
«Կառավարության 2021-2026 թթ ծրագրում առկա է առանձին բաժին Ղարաբաղյան հիմնախնդրի վերաբերյալ, որտեղ նշված է թե կառավարությունը ինչպես է տեսնում հակամարտության կարգավորումը․ մեջբերեմ՝ կառավարութունը տեսնում է ԼՂ կարգավիճակի հստակեցմամբ հայտնի սկզբունքների և տարրերի, այդ թվում, ինքնորոշման իրավունքի հիման վրա ։ 2022 թվականի ծրագրի կատարման ընթացքի և արդյունքների մասին զեկույցում ղարաբաղյան հակամարտություն բաժին առանձին ընդդհանրապես գոյություն չունի ․ ԼՂ քաղաքական կարգավորման մասին շատ թեթև ակնարկ կա՝ « Հայաստան- Ադրբեջան բանակցային գործընթաց» գլխագրի ներքո , որտեղ գրված է, որ ՀՀ-ի համար էական է ԼՂ հայության անվտանգության և իրավունքների հասցեագրված մեխանիզմների ձևավորումը։ Ինչպես տեսնում եք ինքնորոշման իրավունքի մասին հղում չկա․ Խնդրում եմ հստակեցնել , եթե ինքնորոշման Ձեր այդ սահմանումը կար 2021 թվականին, ինչու՞ այս ծրագրում չկար, առանց երկիմաստությունների և որոգայթների ներկայացրեք, թե Ղարաբաղի ապագա կարգավիճակը որտե՞ղ է գտնվում՛,-ասաց Արթուր Խաչատրյանը։
Մանրամսն՝ տեսանյութում։
