Արդեն ձևավորված է փորձագիտական խումբը, բայց օրենքով չկա որևէ ժամկետ, թե ինչ ժամանակում պետք է տրվի եզրակացությունը: Այս մասին դատական նիստից հետո լրագրողների հետ զրույցում ասաց «Հայաստան» խմբակցության պատգամավոր Արմեն Չարչյանի պատգամավոր Արմեն Չարչյանի փաստաբան Էրիկ Ալեքսանյանը: Նա նաև տեղեկացրեց, որ դատավորին միջնորդել է ՍԴ դիմելու համար: «Երբ արդեն առկա է հարուցված հետապնդում, և անձը նոր է ստանում պատգամավորական անձեռնմխելիություն, ընթացակարգ և կառուցակարգ չկա այդ անձեռնմխելիությունը հաղթահարելու առումով: Հետևաբար մենք խնդրեցինք, որ դատարանը դիմի ՍԴ և պարզի թե ինչքանով են 31 և 35 հոդվածները համապատասխանում սահմանադրությանը»,-ասաց նա:
