Հութիները ստանձնել են իրենց ամենահզոր հարվածներից մեկը այն բանից հետո, երբ նրանց երկու արկերը հարվածել են Բելիզի դրոշով բեռնատար նավին: Այս մասին գրում է The Guardian-ը։
Եմենի ապստամբները հայտարարել են, որ նավը կարող է խորտակվել, ինչը նրանց համար քարոզչական հաղթանակ կլինի:
Բեռնատար նավի ընկերությունը, որը Արաբական Միացյալ Էմիրություններից (ԱՄԷ) մեկնում էր Բուլղարիա, հայտնել է, որ անձնակազմը ապահով տարհանվել է, սակայն չի հաստատել խորտակման փաստը:
Հաղորդվում է, որ նավին հարված է հասցվել կիրակի օրը:
«Մենք վստահ չենք նավի վիճակի մասին։ Այս պահին նավում ոչ ոք չկա»,- ասել է խոսնակը։ Նա հավելել է, որ «սեփականատերերն ու կառավարիչները փնտրում են քարշակման տարբերակներ»:
Նավը խոցվել է Ադենից արևելք։
Երկուշաբթի օրը ԱՄՆ-ին պատկանող մեկ այլ բեռնատար նավ, որը նավարկում է Հունաստանի դրոշի ներքո, ռազմական օգնություն է խնդրել՝ պատճառաբանելով «հրթիռային հարձակումը»։ Մեծ Բրիտանիան նույնպես հաստատել է իր նավերի հետ Ադենից 185 կմ հեռավորության վրա տեղի ունեցած միջադեպը:
Մինչդեռ հութիները կրկին պար են կազմակերպել հարձակման ենթարկված նավի վրա, նրանք չեն հայտնել նավի անունը։
Սա առաջին անգամը չէ, որ նրանք պարում են, նկարահանում և տեղադրում գրավված նավերի տեսանյութերը համացանցում։
Ավելի վաղ հութիները հայտարարել էին Կարմիր ծովում առևտրային նավերի վրա ամեն 12 ժամը մեկ հարձակվելու մտադրության մասին։
