Չվերթի համար, որը պետք է կատարվի Թել Ավիվից Երեւան ժամը 13.00-ին, վճարելու է Հայաստանի կառավարությունը։ Այս մասին NEWS.am-ի թղթակցի հետ զրույցում ասել են Հայաստանի Քաղաքացիական ավիացիայի կոմիտեում։
Հիշեցնենք, որ Իսրայելում Հայաստանի դեսպանությունը երեկ ազդարարել էր Թել Ավիվից Երեւան քաղաքացիների տարհանման մասին։
Չվերթի համար թերթիկ լրացրած եւ ՀՀ ԱԳՆ-ից հեռախոսազանգ ստացած անձանց հանձնարարվել է ներկայանալ «Բեն Գուրիոն» օդանավակայան ժամը 8.00-ին (Terminal 3, Zone A, counters 12-15)։
Հայաստանի Քաղաքացիական ավիացիայի կոմիտեում մեզ պարզաբանել են, որ «Armenian Airlines» ավիաընկերության ինքնաթիռը Երեւանից դատարկ թռել է ժամը 9.36-ին։
Օդանավը Հայաստանում վայրէջք կկատարի թռիչքից մոտավորապես 2 ժամ 40 րոպե անց։
Ուղեւորների թվի մասին գերատեսչությունում մեզ չեն տեղեկացրել։
