ՏԱՍՍ. ՌԴ և Ադրբեջանի փոխվարչապետները միջկառավարական հանձնաժողովի նիստ կանցկացնեն

Ռուսաստանի փոխվարչապետ Ալեքսեյ Օվերչուկը և նրա ադրբեջանցի գործընկեր Շահին Մուստաֆաևը Աստրախանում կանցկացնեն տնտեսական համագործակցության միջկառավարական հանձնաժողովի նիստ։ Այս մասին ՏԱՍՍ-ին հայտնել է աղբյուրը։

«Աստրախանում ընթանում է Ռուսաստանի Դաշնության և Ադրբեջանական Հանրապետության միջև տնտեսական համագործակցության միջկառավարական հանձնաժողովի նիստը։ Պատվիրակությունները գլխավորում են հանձնաժողովի համանախագահները՝ Ռուսաստանի Դաշնության կառավարության նախագահի տեղակալ Ալեքսեյ Օվերչուկը և Ադրբեջանական Հանրապետության փոխվարչապետ Շահին Մուստաֆաևը», - տեղեկացրել է աղբյուրը։