Տաջիկստանի իշխանությունները շարունակում են միջոցառումներ իրականացնել՝ սահմանափակելու այն հագուստի և արտաքին տեսքի տարրերի կիրառումը, որոնք պաշտոնապես համարվում են ազգային ավանդույթներին չհամապատասխանող։
Հատուկ ուշադրություն է դարձվում տաջիկական մշակույթին անհամապատասխան հագուստի կրելու և ներմուծման արգելքին։ Խոսքը, մասնավորապես, սև հիջաբների և արաբական որոշ տեսակի հագուստների մասին է։ Տեղական իշխանությունների ներկայացուցիչները քաղաքներում և գյուղական բնակավայրերում բացատրական աշխատանքներ են տանում՝ կանանց կոչ անելով նախապատվությունը տալ տաջիկական ավանդական ազգային հագուստին։
Միաժամանակ, խստացվել է նաև այն տղամարդկանց նկատմամբ վերահսկողությունը, որոնք ունեն երկար մորուք։ Հաղորդվում է ստուգումների, վարչական միջոցների կիրառման, ինչպես նաև մորուքը սափրված լինելու փաստը պարբերաբար հաստատելու պահանջների մասին։
