Ստամբուլում սկսվել են Ռուսաստանի, Ուկրաինայի, Թուրքիայի և ՄԱԿ-ի բանակցությունները Ուկրաինական հացահատիկի արտահանման հարցով։ Այս մասին հայտնում է «ՌԻԱ Նովոստի»- ն։
Իշխանությունները հրաժարվել են բացահայտել հանդիպման վայրը, այն ընթանում է փակ դռների հետևում։ Աղբյուրը գործակալությանը հայտնել է, որ այսօրվա հանդիպման կոնսենսուսի հույսերը մեծ են: Նա նշել է, որ բանակցությունների ընթացքում հաշվի են առնվում ինչպես Մոսկվայի մտավախությունները, այնպես էլ ռուսական գյուղատնտեսական արտադրանքի արտահանման համար ապահովագրական, լոգիստիկ և բանկային ոլորտներում պատժամիջոցների առկայությունը:
