Վրաստանի վարչապետ Իրակլի Կոբախիձեն հույս է հայտնել, որ նախագահ Սալոմե Զուրաբիշվիլիին ստիպված չեն լինի բռնությամբ հեռացնել իր նստավայրից և ձերբակալել իր լիազորությունների ավարտից հետո՝ դեկտեմբերի 29-ին։
«Սալոմե Զուրաբիշվիլիին և մյուսներին զգուշացնելը մեր պարտքն է։ Սա միայն մեր իրավունքը չէ, այլև մեր պարտականությունը։ Ցանկացած իշխանություն պետք է կենտրոնացած լինի ոչ թե բռնաճնշումների, այլ հանցագործությունների կանխարգելման վրա։ Մեր խնդիրն այս դեպքում հանցագործությունը կանխելն է, ուստի, իհարկե, պետք է զգուշացնենք Սալոմե Զուրաբիշվիլիին։ Շատ վատ պատկեր կլիներ, եթե ստիպված լինեինք նրան ստիպողաբար դուրս հանել նստավայրից և տեղափոխել ուղղիչ հիմնարկ»,-ասել է Կոբախիձեն։
Ինչպես նշել է վարչապետը, նման նկարը կարող է սազել «Սալոմե Զուրաբիշվիլիի հովանավորներին», ովքեր կարող են նրան նման առաջադրանք տալ, բայց գեղեցիկ չի լինի։ Միևնույն ժամանակ, ըստ Կոբախիձեի, եթե իրավապահները ստիպված լինեն կալանավորել Զուրաբիշվիլիին նախագահական նստավայրում անօրինական մնալու փորձի համար, «ոչ մի առանձնահատուկ բան տեղի չի ունենա, երկիրը գլխիվայր չի շրջվի»:
