Նիկոլ Փաշինյանի երկարակեցության գաղտնիքներից մեկն էլ այն է, որ ընդդիմադիր գործիչներ են դարձել մարդիկ, ովքեր երկար տարիներ եղել են իշխանություն (իշխանությունները միշտ բարոյապես դեֆորմացված են լինում) և չեն պատկերացնում ինչպես պետք է հարաբերվեն հանրության հետ։
Ընդդիմադիր դաշտում ամենադժվարը իրենց իշխանական կաղապարներից հրաժարվում են ՀՀԿ-ականները։ Այս կուսակցության ներկայացուցիչները չեն դադարել ժողովրդի վրա մունաթ գալուց և մեծ մոլորության մեջ են կարծելով, որ ժողովուրդը Փաշինյանին չընդունելով սկսկում է իրենց ընդունել։
Բանը հասել է նրան, որ ՀՀԿ ներկայացուցիչ Էդուրադ Շարմազանովն արդեն վիրավորանքով է խոսում այն մարդկանց մասին, ովքեր մերժել են իրենց 2018 թվականին։ Շարմազանովը օրերս իր գրառումներից մեկը ավարտել էր իրենց մերժած քաղաքացիներին վիրավորանքախառը խրատով․ «2018-ին էլ էինք Աժ ամբիոնից զգուշացնում,բայց հորթի հրճվանքով «3 միլիոնն ընդդեմ 55» էիք գոռում։ Հետո տեսաք ինչ եղավ՝ գոռացողներին հազարներով տարավ թուրքի բերան ու կործանեց»»,-գրել է Շարմազանովը։
Սա անընդունելի ձևակերպում է սեփական քաղաքացիների նկատմամբ և որ ամենակարևորն է խիստ անընդունելի է 2018 թվականի իրադարձություններին մասնակից 44-օրյա պատերազմի ընթացքում զոհված, վիրավորված և տեղահանված քաղաքացիների մասին այսպես արտահայտվելը։
Ընդդիմադիրները հրապարակային պետք է մերժեն նման ձևակերպումները, իսկ Շարմազանովը պետք է ներողություն խնդրի Հակառակ պարագայում չզարամանան, որ մարդիկ իրենց կողքին չեն կանգնում։
