2025 թվականին հունվարի 1-ի դրությամբ Սևանա լճի մակարդակը կազմում է 1900 մետր 39 սանտիմետր: Այս մասին այսօր՝ հունվարի 10-ին, տարեկան ամփոփիչ մամուլի ասուլիսի ժամանակ նշեց Շրջակա միջավայրի նախարար Հակոբ Սիմիդյանը:
«Դա 2024 թվականի հունվարի 1-ի համեմատ բարձր է 22 սանտիմետրով: Այսինքն՝ 2024 թվականի հունվարի 1-ի և 2024 թվականի դեկտեմբերի 31-ի համեմատությամբ Սևանա լճի մակարդակը 22 սանտիմետրով բարձր է:
Սևանա լճից բաց թողնված ջրի ծավալը 2024 թվականին 131 մլն խորանարդ մետր է կազմել, որը 2023-ի համեմատ ցածր է եղել 97 միլիոնով: Այս թիվը վերջին 15 տարիների համար ամենացածր ցուցանիշն է:
Արփա-Սևան ջրատարով 2024 թվականին շուրջ 184 միլիոն խորանարդ մետր ջուր է տեղափոխվել Սևանա լիճ, որը 73 մլն խորանարդ մետրով ավելի է 2023-ի համեմատ»,- ասաց նա:
