Հարավային Կորեայի կառավարությունը ողջունում է ԱՄՆ-ում միջուկային սուզանավի կառուցման թույլտվություն տալու՝ ԱՄՆ նախագահ Դոնալդ Թրամփի որոշումը, հայտարարել է Կորեայի Հանրապետության նախագահի գրասենյակի խոսնակը: Այս մասին հաղորդում է Yonhap գործակալությունը:
«Այս որոշումը կմեծացնի երկրի պաշտպանական կարողությունները և մեծապես կընդլայնի մեր զինվորականների դերակատարումը Կորեայի Հանրապետությունը պաշտպանելու գործում», - նշված է հայտարարության մեջ:
Հարավային Կորեայի նախագահական գրասենյակից հայտնել են, որ այս գործընթացում Սեուլը սերտորեն կհամագործակցի Վաշինգտոնի հետ:
Ավելի վաղ ԱՄՆ նախագահը հայտարարել էր, որ Հարավային Կորեան Ֆիլադելֆիայի նահանգի նավաշինարանում ատոմային սուզանավ կկառուցի։
