Սամվել Կարապետյանը չի կարող լինել Հայաստանի վարչապետի թեկնածու կամ վարչապետ, քանի որ, բացի ՀՀ քաղաքացի լինելուց, նա նաեւ Ռուսաստանի եւ Կիպրոսի քաղաքացի է։ Այս մասին փետրվարի 13-ին լրագրողների հետ հանդիպման ժամանակ հայտնել է իշխող «Քաղաքացիական պայմանագիր» խմբակցությունից ՀՀ խորհրդարանի փոխնախագահ Ռուբեն Ռուբինյանը։
Նրա խոսքով՝ Սահմանադրության համապատասխան հոդվածը չի կարող փովել, եթե ընտրություններից հետո նախագահը չի նշանակել վարչապետ։
«Ինչ վերաբերում է ՀՀ նախկին նախագահ Արմեն Սարգսյանին, ապա նա երկքաղաքացի չէր համարվում, քանի որ հայտնի չէր, որ նա երկքաղաքացիություն ունի։
Ինչո՞ւ նա հրաժարական տվեց։ Որովհետեւ հայտնի դարձավ, որ նա երկքաղաքացիություն ունի։ Եթե դա սկզբից հայտնի լիներ, նա չէր կարողանա առաջադրվել ՀՀ նախագահի պաշտոնում»,- ընդգծել է Ռուբինյանը։
Նա ավելացրել է, որ կուսակցության ներսում չպետք է լինի այնպիսի իրավիճակ, երբ մեկ մարդ է անընդհատ բոլոր որոշումները կայացնում։ «Փաշինյանը ութ տարի գլխավորել է մեր կուսակցության ցուցակը, քանի որ նա մեր երկրի եւ մեր կուսակցության ամենավարկանիշային քաղաքական գործիչն է»,- ընդգծել է Ռուբինյանը։
Նա վստահեցրել է, որ Փաշինյանը միանշանակ մերժում է կոռուպցիան, բայց ասել է, որ ոչինչ չունի ավելացնելու պատգամավոր Հայկ Սարգսյանի մասին ասվածին։
«Եթե չեմ սխալվում, Հայաստանի Հանրապետական կուսակցության վարչության ընտրություններն անցկացվում են այն տրամաբանությամբ, որ ցուցակը նախապես կազմվում է, ապա դրվում քվեարկության։ Այսինքն՝ վարչության կազմը որոշվում է մի քանի մարդկանց կողմից։
Ինչ վերաբերում է նախընտրական ցուցակին, այն կազմում է մեծ հարգանք վայելող Սերժ Ազատովիչը, կամ նա դա անում է մի քանի մտերիմների հետ միասին։ «Քաղաքացիական պայմանագիր» կուսակցության դեպքում ընտրությունները մրցակցային հիմքով են»,- եզրափակել է Ռուբինյանը։
