Թուրքիայի արտաքին գործերի նախարար Հաքան Ֆիդանը հայտարարել է, որ Ալյասկայում կայացած բանակցությունների ընթացքում Ռուսաստանի և ԱՄՆ-ի միջև համաձայնություններ են ձեռք բերվել որոշակի սկզբունքների վերաբերյալ, ինչպես նաև դրանք իրականացնելու համար գագաթնաժողովի նախապատրաստական աշխատանքների վերաբերյալ։ Նրա խոսքով՝ ռուսական կողմը հրաժարվել է իր որոշ պահանջներից։
«Նախկինում ռուսները նպատակ ունեին վերահսկողություն հաստատել չորս շրջանների ամբողջ վարչական սահմանների նկատմամբ։ Այժմ նրանք հրաժարվել են այս պահանջից և համաձայնել են մնալ շփման գծում, բացառությամբ մեկ հատվածի», - հավելել է նա, ըստ թուրքական լրատվամիջոցների։
Ֆիդանը մանրամասնել է, որ խոսքը Դոնեցկի շրջանի մնացած 25-30 տոկոսը Ռուսաստանին հանձնելու մասին է, մինչդեռ ռուսական զորքերը կմնան Զապորոժիեի և Խերսոնի շրջանների շփման գծում։
«Այն փաստը, որ նրանք բարձրաձայնեցին այս մասին և համաձայնեցին, որ դա երաշխավորված կլինի որոշակի անվտանգության մեխանիզմով, կարծում եմ՝ կարևոր է։ Սա կարող է վերջ դնել չորս տարի շարունակվող պատերազմին։ Եթե ստեղծվի ընդհանուր անվտանգության մեխանիզմ, դրա որակը կտարբերվի։ «Մենք բանակցություններ ենք վարում այս հարցի շուրջ», - հավելեց Ֆիդանը, ընդգծելով Թուրքիայի առանցքային դերը որպես կարգավորման գործընթացում գործող կողմ։
