Տրանսպորտի ոլորտում համագործակցության մասով մենք շարունակում ենք հայկական կողմի հետ նախկինում ձեռք բերված պայմանավորվածությունների իրականացումը։ «Հարավկովկասյան երկաթուղի» ՓԲԸ-ն այստեղ գործում է կոնցեսիոն պայմանագրով՝ ուղեւորափոխադրումների համար հարմարավետ պայմաններ ստեղծելու համար։ Այս մասին դեկտեմբերի 15-ին Երեւանում հայտարարեց ՌԴ կառավարության փոխվարչապետ Ալեքսեյ Օվերչուկը։
«Ցանկանում եմ նշել նաև ավտոմոբիլային տրանսպորտի դրական դինամիկան
Մենք հատուկ ուշադրություն ենք դարձրել Վերին Լարսի միջազգային անցակետի վերակառուցմանը։ 2023 թվականի հունիսի 14-ին ապահովվել է տրանսպորտային միջոցների բոլոր 39 գոտիների շահագործումը և անցակետի թողունակությունը՝ օրական մինչև 3900 մեքենա։
Ցավոք, Վերին Լարսը, բնական և կլիմայական նկատառումներով, չի կարող ապահովել տրանսպորտային կապի ամբողջ տարին, ինչը լրջորեն խոչընդոտում է մեր երկրների միջև հարաբերությունների զարգացմանը։ Ուստի Ռուսաստանը, ինչպես և Հայաստանը, շահագրգռված է տրանսպորտային ուղիների դիվերսիֆիկացմամբ և մեր երկրների միջև բեռնափոխադրումների նոր ուղիների բացմամբ։
Մենք ողջունում ենք 2023 թվականի ապրիլին Եվրասիական տնտեսական միությունում նավիգացիոն կնիքների օգտագործման մասին համաձայնագրի ստորագրումը բեռնափոխադրումները հետևելու համար։ Կարծում եմ՝ նպատակահարմար է սկսել դրա գործնական կիրառումը»,- նշել է Օվերչուկը:
