Հայաստանը Ֆրանսիայի համար կարևոր է որպես ներքաղաքական օրակարգի մաս՝ հաշվի առնելով այն հանգամանքը, որ Ֆրանսիայում կա Արևելքի և միգրացիայի շատ զգայուն թեմա, և ցանկացած քաղաքական գործիչ, ով այս կամ այն կերպ սիրախաղ է անում քրիստոնյա Հայաստանի հետ և ապավինում Եվրամիությունում ամենամեծ հայկական համայնքի վրա, միշտ որոշակի ձայներ է հավաքում։ Այս մասին դեկտեմբերի 11-ին լրագրողների հետ զրույցում ասել է ռուս քաղաքագետ Սերգեյ Մարկեդոնովը։
«Բացի այդ, Ֆրանսիայի և Թուրքիայի միջև խնդիրներ կան Միջերկրական ծովում։ Թուրքիան այնքան էլ դրական չի վերաբերվում Լիբիայում և Սիրիայում Ֆրանսիայի հավակնությունների նկատմամբ։ Բայց դա չի նշանակում, որ Ֆրանսիայի համար Հայաստանում շահերն են որոշում ներքին անվտանգությունը։
Որ այստեղ սկսեն կրակել, դրանից Փարիզում քիչ բան կփոխվի, իսկ ռուսական Կովկասում ինչ-որ բան կարող է փոխվել։ Ֆրանսիայի համար սա փազլ է. դուր չի գա, կհեռանա: Բայց մենք չենք կարող հեռանալ այստեղից: Սա է տարբերությունը»,- պարզաբանեց փորձագետը։
Միաժամանակ նա խոստովանեց, որ Ֆրանսիան ավելի լավ է փափուկ ուժ կիրառում, քան Ռուսաստանը։ «Բայց այդ բարի խոսքերը իրական ոչինչ չեն նշանակում: Ռուսաստանում շատ հայեր են աշխատում, տրանսֆերտներ կան, աշխատաշուկա կա»,- եզրափակեց Մարկեդոնովը։
