ՌԴ-ում գտնվող ներգաղթյալների մեկ երրորդին չի հաջողվում առաջին փորձից հանձնել ռուսաց լեզվի քննությունը, իսկ գրեթե կեսը՝ չի կարողանում հանձնել նաև հաջորդ փորձերից։ Այս մասին ՏԱՍՍ-ին հայտնել են ՌԴ Կրթության և գիտության նախարարության մամուլի ծառայությունից։
Հիշեցնենք, որ ՌԴ-ում, նոր օրենքի համաձայն, ներգաղթյալների երեխաներին դպրոցներ ընդունելու համար ռուսաց լեզվի իմացության թեստավորումը սկսվել է 2025 թվականի ապրիլի 1-ից։
Դեկտեմբերի 11-ին Պետդուման երկրորդ և երրորդ ընթերցմամբ ընդունել է օրինագիծ, որն արգելում է ռուսերեն չիմացող ներգաղթյալ երեխաների ընդունումը դպրոցներ։ Դա ենթադրում է, որ օտարերկրյա քաղաքացիներին հնարավոր կլինի դպրոց ընդունել միայն ռուսաց լեզվի պարտադիր քննություն հանձնելուց հետո։
