ՌԴ Տյումենի մարզի արբիտրաժային դատարանը որոշել է կալանք դնել Utair ավիաընկերության կապալառու՝ հայկական Aquila Technics ՍՊԸ-ի հաշիվների վրա՝ գրեթե 176 միլիոն ռուբլու և 1,5 միլիոն դոլարի չափով, չստացված շարժիչների պատճառով։ Այս մասին հայտնում է ՏԱՍՍ-ը՝ հղում անելով արբիտրաժային գործերի նյութերին։
Հայցը ներկայացրել էր «Յուտեյր ավիաուղիներ» ընկերությունը։ Դատարանը, ուսումնասիրելով դիմումում շարադրված փաստարկները և գործի նյութերը, հայցի ապահովման պահանջը բավարարել է։
