Րաֆֆի Հովհաննիսյանն ընտրվել է «Ժառանգություն» կուսակցության քաղխորհրդի նախագահ

Քննարկվել է կուսակցության գործադիր մարմնի ընդհանուր հաշվետվությունը, որը ներկայացրել են վարչության նախագահ Անդրանիկ Գրիգորյանը և փոխնախագահ Նարինե Դիլբարյանը: Քաղաքական խորհուրդը քննարկել է Հայաստանի և տարածաշրջանի ընթացիկ իրավիճակը՝ նախանշելով դրանց զարգացման հնարավոր սցենարները:

Նաև քվեարկությամբ ընտրել է քաղաքական խորհրդի ղեկավարին: Րաֆֆի Հովհաննիսյանը կշարունակի իր գործունեությունը որպես քաղաքական խորհրդի նախագահ:

Խորհրդակցության ավարտից հետո տեղի է ունեցել ընդունելություն` նվիրված «Ժառանգության» հիմնադրման 17-ամյակին: