ՔԿ վարչության հանրային կապերի բաժնի պետ Նոնա Նավիկյանը պարզաբանում է տարածել՝ արձագանքելով երեկ «Լուսավոր Հայաստան» խմբակցության անդամներ Գևորգ Գորգիսյանի ու Անի Սամսոնյանի հայտարարությանը, թե իրենց թույլ չեն տվել տեսակցել Արսեն Բաբայանի հետ:
«Հոկտեմբերի 25-ի երեկոյան զանգվածային էլեկտրոնային լրատվամիջոցներում հրապարակված Հայաստանի Հանրապետության Ազգային ժողովի պատգամավորներ Գևորգ Գորգիսյանի և Անի Սամսոնյանի մասնակցությամբ տեսանյութի կապակցությամբ ՀՀ արդարադատության նախարարության քրեակատարողական ծառայությունը պարզաբանում է, որ ՀՀ հատուկ քննչական ծառայությունում քննվող քրեական գործով մեղադրյալ, ՀՀ ԱՆ «Վարդաշեն» քրեակատարողական հիմնարկի կալանավոր Արսեն Բաբայանի հետ պատգամավորների տեսակցությունն արգելվել է քրեական վարույթն իրականացնող մարմնի որոշման հիման վրա, որով քննության շահերից ելնելով արգելանք է դրված կալանավորված անձ Ա. Բաբայանի տեսակցությունների վրա»,- ասված է տարածված պարզաբանման մեջ:
