Քննչական մարմինը քաղաքական պատվեր է կատարում Վազգեն Մանուկյանի նկատմամբ: Այս մասին լրագրողների հետ զրույցում ասաց փաստաբան Արամ Վարդեւանյանը:
Պատասխանելով հարցին, թե ինչու եւ ինչ մեղադրանք է առաջադրվել Մանուկյանի դեմ, փաստաբանը ասաց, որ խոսքը Գլխավոր շտաբին եւ Զինված ուժերին ուղղված ապօրինի հրամաններ չկատարելու կոչի մասին է: «Այսինքն, ըստ Քննչական կոմիտեի, դա անօրինական գործողությունների կոչ է: Սա կատարյալ անհեթեթություն է եւ քաղաքական պատվերի կատարման մեկ այլ օրինակ: Մենք միջնորդելու ենք քրեական գործի կարճման համար: Եթե չկարճեն, կհանդիպենք դատարանում»,- եզրափակեց փաստաբանը:
Ինչպես հաղորդվել էր ավելի վաղ, ընդդիմությունից վարչապետի թեկնածուն մեղադրվում է սահմանադրական կարգի տապալման եւ իշխանությունը զավթելու հրապարակային կոչեր անելու մեջ:
