ՌԴ նախագահ Վլադիմիր Պուտինը հեռախոսազրույց է ունեցել Իսրայելի վարչապետ Բենիամին Նեթանյահուի հետ, հաղորդել է Կրեմլը:
Քննարկվել է Մերձավոր Արևելքում և Իրանում տիրող իրավիճակը։ Վլադիմիր Պուտինը ներկայացրել է իր հիմնարար մոտեցումները տարածաշրջանում կայունություն և անվտանգություն ապահովելու համար քաղաքական և դիվանագիտական ջանքերն ակտիվացնելու վերաբերյալ։ Ռուսական կողմը հաստատել է իր պատրաստակամությունը շարունակել ձեռնարկել համապատասխան միջնորդական ջանքեր և նպաստել կառուցողական երկխոսության խթանմանը՝ բոլոր շահագրգիռ պետությունների մասնակցությամբ։
Պայմանավորվածություն է ձեռք բերվել շարունակել շփումները տարբեր մակարդակներում։
