Մոլդովական ընդդիմադիր Իլան Շորը հայտարարել է, որ Գագաուզիայի ղեկավար Եվգենյա Գուցուլին կարող են ձերբակալել Քիշնևի օդանավակայանում, որտեղ նա պետք է վերադառնա Երիտասարդության համաշխարհային փառատոնից, որը տեղի է ունեցել մարտի 1-ից 7-ը Ռուսաստանի Դաշնությունում։
«Մենք տեղեկատվություն ունենք, որ նրանք պատրաստվում են Գուցուլին ձերբակալել հենց օդանավակայանում»,- ասել է Շորը՝ «Россия 24»-ին տված հարցազրույցում: Նա ընդգծել է, որ իր թիմը բաղկացած է համառ մարդկանցից, որոնցից մի քանիսin մեկ անգամ չէ, որ ձերբակալել են։ Նրանց թվում, ըստ քաղաքական գործչի, մտնում է նաև Գուցուլը, որը մինչև վերջ պայքարելու է Գագաուզայի ինքնավարության շահերի համար։
2023 թվականի ընտրություններում հաղթելուց հետո Գուցուլը հայտարարել է Ռուսաստանի հետ տարածաշրջանի բարեկամական հարաբերություններն ամրապնդելու իր մտադրության մասին և քննադատեց Քիշնևի կողմից վարվող Մոսկվայի հետ առճակատման քաղաքականությունը։
Մոլդովայի իշխանությունները փորձել էին ընտրություններն անօրինական ճանաչել, սակայն Գագաուզիայի խորհրդարանը համերաշխություն է հայտնել նրանց, և տարածաշրջանում մի քանի զանգվածային ցույցեր են տեղի ունեցել՝ ի պաշտպանություն նոր առաջնորդի։ Դրանից հետո Մոլդովայի նախագահ Մայա Սանդուն հրաժարվել է ստորագրել Գուցուլին որպես կառավարության անդամ հաստատելու մասին հրամանագաիրը, թեև դա էր պահանջում երկրի օրենսդրությունը։
Սոչիում անցկացվող Համաշխարհային երիտասարդական փառատոնի շրջանակում Եվգենյա Գուցուլը Ռուսաստանի նախագահ Վլադիմիր Պուտինի հետ քննարկել է Մոլդովայի քաղաքական իրավիճակը։ «Ես Վլադիմիր Վլադիմիրովիչին տեղեկացրել եմ Մոլդովայի իշխանությունների անօրինական գործողությունների մասին, որոնք վրեժ են լուծում մեզնից մեր քաղաքացիական դիրքորոշման և ազգային շահերին հավատարմության համար»,- գրել է Գագաուզիայի ղեկավարը Telegram-ի իր ալիքում։
