Պետքարտուղար Բլինքենը զրուցել է նախագահ Ալիևի հետ
ԱՄՆ պետքարտուղար Էնթոնի Բլինքենը այսօր հեռախոսազրույց է ունեցել Ադրբեջանի նախագահ Իլհամ Ալիևի հետ: Դրա մասին հաղորդել է Բլինքենը իր թվիթերյան գրառման միջոցով: Հիշեցնենք, որ նույն օրը պետքարտուղարը հեռախոսազրույց է ունեցել ՀՀ վարչապետ Նիկոլ Փաշինյանի հետ:
Իր գրառման մեջ Բլինքենը, մասնավորապես, գրել է.
«Ես այսօր խոսել եմ Ադրբեջանի նախագահ Ալիևի հետ Ադրբեջանի և Հայաստանի միջև ընթացող խաղաղ բանակցությունների մասին։ Ես ողջունում եմ երկկողմ բանակցությունների արդյունքում առաջ եկած դրական միտումները և կոչ եմ անում հասնել հետագա առաջընթացի տարածաշրջանում խաղաղության և կայունության հաստատման ճանապարհին»,- գրել է ԱՄՆ պետքարտուղարը:
