Պետդումա կներկայացվի Հայրենական մեծ պատերազմի ժամանակ ցեղասպանությունների ժխտման համար քրեական պատասխանատվության մասին օրինագիծը, գրում է «Իզվեստիա» թերթը՝ վկայակոչելով փաստաթուղթը։
«Ռուսաստանում ցանկանում են քրեական պատիժներ սահմանել Երկրորդ համաշխարհային պատերազմի ժամանակ ցեղասպանությունը ժխտելու համար: Նման օրինագիծ պատգամավորները կներկայացնեն Պետդումա փետրվարի 20-ին: Փաստաթուղթը գտնվում է «Իզվեստիա»-ի տրամադրության տակ»,- ասվում է հրատարակության հաղորդագրության մեջ:
Նշվում է, որ 2020 թվականից նմանատիպ փաստեր են հաստատվել Ռուսաստանի 13 շրջանների՝ Սանկտ Պետերբուրգի, Ղրիմի, Կրասնոդարի և Ստավրոպոլի երկրամասերի, Նովգորոդի, Պսկովի, Օրյոլի, Բրյանսկի, Լենինգրադի, Բելգորոդի, Վորոնեժի, Սմոլենսկի և Մոսկվայի մարզերի դատարանների կողմից։
«Այս փաստաթուղթն ուղղված է կանխելու պատմական իրադարձությունները կեղծելու փորձերը և վերանայելու այդ սարսափելի պատերազմի արդյունքները»,- հաղորդագրության մեջ մեջբերում է նախագծի հեղինակներից մեկի՝ Սերգեյ Միրոնովի խոսքերը։
