Պետդեպարտամենտը հաստատել է Ուկրաինային ավելի քան 3000 ERAM թևավոր հրթիռների և սարքավորումների վաճառքը: Այս մասին հաղորդվել է ԱՄՆ պաշտպանության նախարարության պաշտպանական համագործակցության գործակալության հայտարարության մեջ։
Հայտարարության մեջ ասվում է, որ Ուկրաինան խնդրել է մինչև 3350 երկար հեռահարության հարձակման զինամթերքի (ERAM) հրթիռներ և նույնքան GPS և INS նավիգացիոն համակարգեր՝ կեղծ մոդուլով։
Մատակարարման փաթեթը կներառի նաև կոնտեյներներով հրթիռներ, դրանց կախոցների համար նախատեսված կայմեր, բաղադրիչներ և օժանդակ սարքավորումներ, պահեստամասեր, սպառվող նյութեր, ինչպես նաև սպասարկման և վերանորոգման ծառայություններ, անձնակազմի վերապատրաստման ծրագրեր, ինժեներական և լոգիստիկ աջակցություն։
Գնման ընդհանուր արժեքը գնահատվում է 825 միլիոն դոլար։
«Առաջարկվող վաճառքը կբարձրացնի Ուկրաինայի կարողությունը՝ դիմակայելու ներկա և ապագա սպառնալիքներին՝ այն զինելով ինքնապաշտպանության և տարածաշրջանային անվտանգության առաքելություններ իրականացնելու լրացուցիչ միջոցներով», - ասվում է նախարարության հայտարարության մեջ։
Ուկրաինան գնման համար կվճարի Դանիայի, Նիդեռլանդների և Նորվեգիայի ֆինանսավորմամբ, ինչպես նաև Միացյալ Նահանգների արտաքին ռազմական ֆինանսավորմամբ։ «ERAM-ը մեր ՆԱՏՕ-ի դաշնակիցների հետ համատեղ աշխատանքի օրինակ է՝ կարճ ժամանակահատվածում տեղակայվող արդյունավետ և մասշտաբային համակարգ մշակելու համար», - ընդգծվում է հայտարարության մեջ։
ERAM-ը մեծ հեռահարության օդ-մակերևույթ թևավոր հրթիռ է, որը նախատեսված է ցամաքային և ծովային թիրախներին հարվածելու համար։
