Ուկրաինայում նախագահական ընտրությունների անցկացման վերաբերյալ պաշտոնական հաղորդագրություններ չեն եղել, ուստի այս թեմայով դատողություններ անելը դեռ վաղ է։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը, հայտնում է «Կոմերսանտ»-ը։
«Մենք փաստացի նման հաղորդագրությունների փոխանակում ունենք մամուլի միջոցով՝ ինչ-որ աղբյուրների կողմից»,- ճեպազրույցի ժամանակ հստակեցրել է Պեսկովը։ ՌԴ նախագահի ներկայացուցիչը նաև հորդորել է լրագրողներին կողմնորոշվել սկզբնաղբյուրներով, այլ ոչ թե տեղեկատվական հոսքերով։
Այսօր Financial Times թերթը, հղում անելով իր աղբյուրներին, գրել է, որ Ուկրաինայի նախագահ Վլադիմիր Զելենսկին համաձայնել է «սեղմ ժամկետներում» անցկացնել ռազմական դրության պատճառով հետաձգված ընտրությունները՝ խաղաղության համաձայնագրի շուրջ հանրաքվեի հետ միասին։ FT-ի տվյալներով՝ ամերիկյան կողմը պնդել է միջոցառումն անցկացնել մինչև մայիսի 15-ը։
Ավելի ուշ «ՌԲԿ-Ուկրաինա»-ի զրուցակիցը Վլադիմիր Զելենսկու շրջապատից հերքել են այս տեղեկությունը։ Անցյալ տարվա դեկտեմբերին պարոն Զելենսկին հայտարարել էր, որ պատրաստ է երկրում ընտրություններ անցկացնել առաջիկա 60-90 օրվա ընթացքում, եթե ԱՄՆ-ն և Եվրամիությունը ապահովեն քվեարկության անվտանգությունը։
