ԱՄՆ պաշտպանության նախարարության խոսնակ Ջոնաթան (Ջոն) Էլիոթը հեռացվել է զբաղեցրած պաշտոնից և վերանշանակվել։ Այս մասին հայտնում է The Washington Post-ը՝ հղում անելով աղբյուրներին։
Հրատարակության տվյալներով՝ դա տեղի է ունեցել այն բանից հետո, երբ Պենտագոնը հեռացրել է Ջեքի Ռոբինսոնի ռազմական անցյալի մասին առցանց գրառումը, ով 1947 թվականին ԱՄՆ բանակում ծառայելուց հետո դարձավ առաջին աֆրոամերիկացին, ով խաղացել է բեյսբոլի գլխավոր լիգա (MLB): Ինչպես գրում է թերթը, երբ հոդվածի հեռացման մասին լուրը լայնածավալ դատապարտում է առաջացրել սոցիալական ցանցերում, Էլիոթը հայտարարություն է տարածել, որում փորձել է «անսովոր ագրեսիվ տոնով» բացատրել միջադեպի պատճառները։ Ինչպես նշվում է նյութում, մամուլի քարտուղարին քննադատել են բազմազանության, հավասարության և ներառական քաղաքականության դեմ պայքարն «ագրեսիվորեն պաշտպանելու» համար։
Ինչպես գրում է հրատարակությունը՝ վկայակոչելով Պենտագոնի ներկայացուցիչներին, Էլիոթի հեռացումը հաջորդել է նաև ԱՄՆ պաշտպանության նախարարի հանրային կապերի գծով օգնական Շոն Փարնելի ժամանմանը։ Ըստ հոդվածի՝ Փարնելը երկար տարիներ ճանաչում է Պենտագոնի ղեկավար Փիթ Հեգսեթին և վայելում է նրա վստահությունը։ Թերթի տեղեկություններով՝ Էլիոթն այլ պաշտոն կզբաղեցնի պաշտպանության նախարարությունում։
